A Tecnópole licita as obras do edificio para a incubadora de empresas biotecnolóxicas
A Tecnópole acaba de sacar a concurso público a construción do edificio para a Lanzadeira de empresas biotecnolóxicas no
seu recinto do concello ourensán de San Cibrao das Viñas. Trátase dunha incubadora para as iniciativas emprendedoras neste sector, considerado estratéxico en Galicia.
O contrato ten un orzamento de tres millóns de euros e nel contémplase que o edificio terá que estar rematado no prazo de 16 meses dende a súa formalización, o que supón que a Lanzadeira estará en funcionamento para o outono do próximo ano. A convocatoria do concurso foi publicada no Diario Oficial de Galicia (DOGA) o 9 de abril.
Os pregos que rexerán a contratación da construtora para levantar o edificio da Lanzadeira están a disposición dos interesados na páxina web www.mercopole.com. O prazo máximo para a entrega de propostas remata o 5 de maio.
Reducir a taxa de fracaso
O edificio, que recibirá o nome de Tecnópole I, daralles acubillo aos emprendedores galegos do sector de maneira que poidan iniciar a súa actividade nun contorno que non só suporá un espazo físico para instalar as súas oficinas, senón tamén o acceso a infraestruturas de laboratorio especializadas para desenvolver os seus proxectos de investigación.
A porcentaxe de fracaso das empresas biotecnolóxicas durante a súa primeira etapa de vida é moi elevada, xa que ascende ao 90%. Isto significa que só unha de cada dez iniciativas empresariais do sector chegan a prosperar. A iniciativa da Tecnópole permitirá reducir este índice ao 15%, de maneira que o risco de que a idea non chegue a ser negocio será un 75% por debaixo da media para as empresas que se instalen na lanzadeira.
A incubadora de empresas biotecnolóxicas será dotada de todos os
equipamentos científicos e tecnolóxicos necesarios para que os galegos interesados en pór en marcha unha empresa biotecnolóxica poidan desenvolver as súas investigacións e comprobar a viabilidade técnica dos seus produtos e servizos.
Nestes laboratorios de uso común para as empresas que se instalen na lanzadeira radica o verdadeiro sentido da iniciativa, xa que a adquisición dos equipamentos de investigación son a maior traba económica para a posta en marcha e a prosperidade das empresas biotecnolóxicas.
As empresas relacionadas coas ciencias da vida teñen na I+D a súa base fundamental, polo que os responsables do Parque Tecnolóxico de Galicia proxectaron unha incubadora na que os emprendedores poidan dedicar o groso dos seus esforzos no desenvolvemento dos seus novos servizos e produtos, no lugar de traballar condicionados polas limitacións económicas e administrativas.
Neste sentido, ademais de pór a disposición dos novos empresarios os equipamentos científico-tecnolóxicos que precisan para levar a cabo a súa actividade, a lanzadeira contará con servizos centralizados de márketing, financeiros e comerciais.
seu recinto do concello ourensán de San Cibrao das Viñas. Trátase dunha incubadora para as iniciativas emprendedoras neste sector, considerado estratéxico en Galicia.
O contrato ten un orzamento de tres millóns de euros e nel contémplase que o edificio terá que estar rematado no prazo de 16 meses dende a súa formalización, o que supón que a Lanzadeira estará en funcionamento para o outono do próximo ano. A convocatoria do concurso foi publicada no Diario Oficial de Galicia (DOGA) o 9 de abril.
Os pregos que rexerán a contratación da construtora para levantar o edificio da Lanzadeira están a disposición dos interesados na páxina web www.mercopole.com. O prazo máximo para a entrega de propostas remata o 5 de maio.
Reducir a taxa de fracaso
O edificio, que recibirá o nome de Tecnópole I, daralles acubillo aos emprendedores galegos do sector de maneira que poidan iniciar a súa actividade nun contorno que non só suporá un espazo físico para instalar as súas oficinas, senón tamén o acceso a infraestruturas de laboratorio especializadas para desenvolver os seus proxectos de investigación.
A porcentaxe de fracaso das empresas biotecnolóxicas durante a súa primeira etapa de vida é moi elevada, xa que ascende ao 90%. Isto significa que só unha de cada dez iniciativas empresariais do sector chegan a prosperar. A iniciativa da Tecnópole permitirá reducir este índice ao 15%, de maneira que o risco de que a idea non chegue a ser negocio será un 75% por debaixo da media para as empresas que se instalen na lanzadeira.
A incubadora de empresas biotecnolóxicas será dotada de todos os
equipamentos científicos e tecnolóxicos necesarios para que os galegos interesados en pór en marcha unha empresa biotecnolóxica poidan desenvolver as súas investigacións e comprobar a viabilidade técnica dos seus produtos e servizos.
Nestes laboratorios de uso común para as empresas que se instalen na lanzadeira radica o verdadeiro sentido da iniciativa, xa que a adquisición dos equipamentos de investigación son a maior traba económica para a posta en marcha e a prosperidade das empresas biotecnolóxicas.
As empresas relacionadas coas ciencias da vida teñen na I+D a súa base fundamental, polo que os responsables do Parque Tecnolóxico de Galicia proxectaron unha incubadora na que os emprendedores poidan dedicar o groso dos seus esforzos no desenvolvemento dos seus novos servizos e produtos, no lugar de traballar condicionados polas limitacións económicas e administrativas.
Neste sentido, ademais de pór a disposición dos novos empresarios os equipamentos científico-tecnolóxicos que precisan para levar a cabo a súa actividade, a lanzadeira contará con servizos centralizados de márketing, financeiros e comerciais.
Noemia Ortega (Tecnópole)